Bè.ste Krölstarte en Krölstarterinnekes
Hier zie ik dan, óllieje nïjje Prins Jesse d’n Örste. Óp ’t mome.nt dat gillie dizze kra.nt lèèze, zie ik al ’n par wèèke ien functie, en ik kan óllie now al zègge, wâ is ’t toch allemôl verrèkes moj!
Óp de örste plets wil ik de Raod van Èlf en ’t Bestuur beda.nke vör ’t vertrowwe dat ze ien mien hèbbe en dat ze mien hèbbe gekooze as de 69e Prins van De Krölstarte. En wat was ’t geweldig um saame mit ó.ns mam ’n rol te mugge speule ien mien èège ónthulling.
En dan zal ik mien now ö.rst èkkes ân óllie allemôl vörstèlle, alhoewel ik di.nk dat de mèèste mien toch al kènne. Ik bin Jesse Gerrits, jóngste zoon van Willie Gerrits (d’n Hörrige) en Thea Kreuzer (Ladie Moezel) en ’t klèène bruurke van Jochem en Willem. Ik zie gebaore óp 23 september 2003. Al mien heele lèève woon ik óp Burchtstraat 33 hie.r ien Middelar. En as ’t ân mien lit blie.f ik ok mien heele lèève ien Middelar woone.
Al van klèèns af ân bin ik gek óp carnaval vie.re. Zoo zie ik al a.ltied ânweezig bïj carnavalseeveneme.nte ien en ró.ndum Middelar. Toen ik pas net kón loope, ging ik mit ó.ns pap en mam en de Raod van Èlf mit nor verschillende recepties hie.r ien de buurt. Zoo was ik nog gèn 4 jaor toen ik èèges as prins verkleejd, saame mit ó.nze Prins Ronald d’n Örste ien ’t Vèn óp de toffel moch staon tusse ’n par a.ndere (groote) prinse. Ok thuus verklïjde ik mien èège duk as prins en zörgde d’r vör dat iedereen die ien de buurt was mien vólgde ien de polonaise. Ien 2017 wier ik gekooze as Jeugdprins van De Krölstarte, ’t was enne geweldige carnaval. Wat hèb ik d’r toen van genoote! Ok vör ’t Jeugdbestuur was ’t onvergèètelek, of niet jónges!?
Mar mien lèève bestó.nd nie alleen mar uut carnaval vie.re. Toen ik 4 jaor wier, ging ik nor de basisschôl ien Middelar. Dor hèb ik enne mojje gezèlligen tied gehad mit mien vriende, mar leere uut de boeke was nie e.cht mien ding. Wâ ik vöral a.ltied interessa.nt vó.nd was wat d’r zich allemôl ien Middelar afspölde as ik óp schôl zat. Ik ging dan óp mien knïjje óp de stoe.l zitte zôdat ik goe.d nor buute kón kie.ke. Zoo zag ik dâ oma iederen dinsdaggeme.rge ró.nd half 10 richting Gennep rïjde, nor de me.rt. Was dâ enne keer nie ’t geval dan was mien örste vraog as ik thuuskwam, is d’r iets mit oma? Ok wis ik de precie.zen tied woróp de fo.lders bïj ó.ns geleeverd wiere, die wïj dan óp de middag ginge ró.ndbrènge. Mam noemde mien dörum a.ltied de wandelende Gelderlander. Ik viend ’t trowwes nog steeds interessa.nt um te weete wat d’r zich ien Middelaar allemôl afspölt.
En toen….. dör nor ’t Elzendaal College ien Gennep, moj óp ’t fietske nor Gennep, genietend van de mojje natuur bïj de brugskes. Dees 4 jaor vlooge vörbïj en vöral de lètste 2 jaor pa.ste wâ bèeter ien mien strötje. Ik haj vör d’n techniekkant gekooze en dâ bevie.l mien geliek goe.d.
Ik was 16 jaor toen Albo mien ’n leer-we.rkcontract ânbood en ik óp de Vakopleiding Techniek ien Kuuk startte mit de BBL-opleiding Constructie . Dornao nog ’n par jaor Mechatronica en afgeloope zómmer hèb ik mien diploma Mechatronica Niveau 4 gehâld. Hieróp bood Albo mien ’n va.st contract ân, en zöas gillie kunt zie.n: de gèèle bus rïjt nog steeds dör Middelar.
Mien sportcarrière is begónne bïj de mini F-jes van Astrantia. Nô ’n par jaor ging de jeugd van Astrantia saame voetballen mit de jeugd van SV Milsbèk. Ik vó.nd ’t mar niks, dâ rood-zwart (en nog steeds nie). Ik was dan ok blïj dat ik ’n par jaor gelïjje ga.w kón ânsluute bïj senioren 2 van Astrantia en eindelek wèr kón voetballe ien mien geliefde gèèl-zwarte tenue. Sinds ’n par seizoene bin ik een van de va.ste krachte a.chterien bïj Astrantia 1, as centraale verdeediger. Mit mien halve vriendegroep ien ’t Örst hè’k ’t keigoe.d nor miene zin, al lèt mien motivatie mien toch af en toe ien de steek…. Verder is mien doel um 3 à 4 keer ien de wèèk nor de sportschôl te gaon um èkkes ien ’t krachthok mien èège uut te lèève. Dât lukt aordig.
Mit ó.nze vriendegroep ónderneeme we vanalles, van ’n aovendje nor de stad, ’n wèèkske nor Mallorca, vriende-voetbaltoernooje tot ’t mitdoe.n ân de carnavalsóptocht ien Middelar. Wïj hèbbe ’n moj stèl, en ik haop dâ we nog heel wâ jaore saame schik hèbbe hie.r ien ó.ns mojje dörpke Middelar, want “hier wil ik lèève”.
Mar wètte now wor ik ’t allermèèst van geniet?? Dâ is toch wel d’n tied dèn ik mit mien lie.ve vriendin Floor dörbrèng.
Wïj gôn d’r dan ok saame mit alle Krölstarte en Krölstarterinnekes ’n keimoj jaor van maake!!
Ik sluut ik af mit mien liefspreuk:
Lekker pruuve en veul lache, liebe leute wir gehn party machen!!
P.S. Ik zie keiblïj dâ een van mien bè.ste vriende mien dit jaor gèt vergezèlle als nar; Thijs succes!!